CRIME KERALA Uncategorized

അഭയക്കേസ്: സഭയുടെ മാനം കാക്കാന്‍ ഒരു കോടി രൂപയുടെ വാഗ്ദാനം; പ്രധാന സാക്ഷിയുടെ മൊഴി..

കൊച്ചി:

സിസ്റ്റര്‍ അഭയക്കേസില്‍ സഭയുടെ മാനം കാക്കാന്‍ പ്രതികള്‍ ഒരു കോടി രൂപ വാഗ്ദാനം ചെയ്തതായി പ്രധാന സാക്ഷിയുടെ മൊഴി. പൊതുപ്രവര്‍ത്തകനായ കളര്‍കോട് വേണുഗോപാലാണ് കോടതിയില്‍ നിര്‍ണ്ണായക മൊഴി നല്‍കിയത്. സിസ്റ്റര്‍ സ്‌റ്റെഫിയുമായുള്ള ബന്ധത്തെപ്പറ്റി ഫാദര്‍ കോട്ടൂരും പൂതൃക്കയിലുമാണ് പറഞ്ഞതെന്ന് അദ്ദേഹം കോടതിയെ അറിയിച്ചു.

കരഞ്ഞുകൊണ്ടാണ് ഫാദര്‍ തോമസ് എം കോട്ടൂര്‍ കുറ്റസമ്മതം നടത്തിയതെന്നും ളോഹയ്ക്കുള്ളില്‍ പച്ചയായ മനുഷ്യനാണ് താനെന്ന് കോട്ടൂര്‍ പറഞ്ഞെന്നും അദ്ദേഹം സാക്ഷി കോടതിയില്‍ പറഞ്ഞു.

ആദ്യം തയ്യാറാക്കിയ ഇന്‍ക്വസ്റ്റ് റിപ്പോര്‍ട്ട് തിരുത്താന്‍ കോട്ടയം വെസ്റ്റ് പൊലീസ് സ്റ്റേഷനിലെ അന്നത്തെ എഎസ്‌ഐ വി വി അഗസ്റ്റിന്‍ തന്നോട് ആവശ്യപ്പെട്ടെന്ന് കോണ്‍സ്റ്റബിളായിരുന്ന എം എം തോമസ് സിബിഐ പ്രത്യേക കോടതിയില്‍ മൊഴി നല്‍കി. കുറ്റപത്രത്തിലെ എട്ടാം സാക്ഷിയം പ്രോസിക്യൂഷന്റെ നാലാം സാക്ഷിയുമാണ് തോമസ്. യഥാര്‍ത്ഥ ഇന്‍ക്വസ്റ്റ് റിപ്പോര്‍ട്ട് തിരുത്തി പുതിയ റിപ്പോര്‍ട്ടാണ് രേഖപ്പെടുത്തിയതെന്നു തോമസ് സിബിഐയ്ക്കും മൊഴി നല്‍കിയിരുന്നു.

അഭയയുടെ മരണം നടന്ന കോട്ടയം പയസ് ടെന്‍ത് കോണ്‍വെന്റിലെ അടുക്കളയില്‍ അവരുടെ ശിരോവസ്ത്രം, ചെരുപ്പ്, വാട്ടര്‍ ബോട്ടില്‍, കോടാലി എന്നിവ കണ്ടിരുന്നതായി തോമസ് മൊഴി നല്‍കി.

READ ALSO  ചീഫ് ജസ്റ്റിസിനെ കുടുക്കാൻ 1.5 കോടി വാഗ്ദാനം ; വെളിപ്പെടുത്തലുമായി അഭിഭാഷകൻ..

Leave a Reply

Your email address will not be published. Required fields are marked *

%d bloggers like this: