KERALA POLITICS SOCIAL MEDIA

ബാബരി വിധി: ഫേസ്ബുക്കില്‍ പോസ്റ്റിട്ട അഡ്വ എം സ്വരാജ് എംഎല്‍എക്കെതിരേ പോലിസ് കേസെടുത്തു.

തിരുവനന്തപുരം:ബാബരി മസ്ജിദ് കേസ് വിധിയുടെ പശ്ചാത്തലത്തില്‍ ഫേസ്ബുക്കില്‍ പോസ്റ്റിട്ട അഡ്വ എം സ്വരാജ് എംഎല്‍എക്കെതിരേ പോലിസ് കേസെടുത്തു. ഇത് സംഘര്‍ഷപരമായ പോസ്റ്റാണെന്നും എം സ്വരാജിനെതിരേ നടപടിയെടുക്കണമെന്നാശ്യപ്പെട്ട് യുവമോര്‍ച്ച നൽകിയ പരാതിയെത്തുടര്‍ന്നാണ് നടപടി.

എന്നാൽ പോസ്റ്റിൽ നിയമവിരുദ്ധമായി ഒന്നുമില്ലെന്നും കേസ് നിയമപരമായി നില നിൽക്കുന്നതല്ലെന്നുമാണ് നിയമ വിദഗ്ദന്മാരുടെ അഭിപ്രായം.

വർത്തമാനകാല ഇന്ത്യയിൽ മറിച്ചൊരു വിധിയുണ്ടാകുമെന്ന്
നിഷ്കളങ്കരേ നിങ്ങളിപ്പോഴും പ്രതീക്ഷിച്ചിരുന്നുവോ ???”എന്നതായിരുന്നു എം സ്വരാജിന്റെ പോസ്റ്റ്.

വിഷയത്തില്‍ പോലിസ് നടപടി സ്വീകരിച്ചില്ലെങ്കില്‍ കോടതിയെ സമീപിക്കുമെന്നും യുവ മോര്‍ച്ചാ പ്രസിഡന്റ് പ്രകാശ്ബാബു മുന്നറിയിപ്പ് നല്‍കിയിരുന്നു.

ബാബരി മസ്ജിദ് വിധിയുടെ പശ്ചാത്തലത്തില്‍ പ്രകോപനപരമായി പോസ്റ്റിടുന്നവര്‍ക്കെതിരേ ജാമ്യമില്ലാ വകുപ്പ് ചുമത്തി അറസ്റ്റ് ചെയ്യുമെന്ന് കേരള പോലിസിന്റെ മുന്നറിയിപ്പ് ഉണ്ടായിരുന്നു. ഈ പശ്ചാത്തലത്തില്‍ മതസ്പര്‍ദ ഉണ്ടാക്കുന്ന തരത്തില്‍ ഫേസ്ബുക്കില്‍ പരമാര്‍ശം നടത്തിയ എം സ്വരാജ് എംഎല്‍എയ്‌ക്കെതിരേ കേസ് എടുക്കണമെന്ന് ആവശ്യപ്പെട്ട് യുവമോര്‍ച്ച സംസ്ഥാന പ്രസിഡന്റ് അഡ്വ പ്രകാശ് ബാബു പൊലിസ് മേധാവിക്ക് പരാതി നല്‍കുകയായിരുന്നു.

READ ALSO  അശാന്തന്റെ മൃതദേഹത്തോട് അനാദരവ് കാട്ടിയ സംഘ പരിവാറിനൊപ്പം നിന്ന പൊന്യം ചന്ദ്രനോട് പ്രതിഷേധിച്ച് അവാർഡ് നിഷേധിച്ച് ചിത്രകാരി സിന്ധു ദിവാകരൻ..

Leave a Reply

Your email address will not be published. Required fields are marked *

%d bloggers like this: