POLITICS

വിദ്വേഷ പ്രസംഗം നടത്തിയവര്‍ക്കെതിരെ എന്ത് നടപടിയെടുത്തു ; തിരഞ്ഞെടുപ്പ് കമ്മീഷന് സുപ്രീംകോടതിയുടെ വിമര്‍ശനം..

img

ന്യൂഡല്‍ഹി :തിരഞ്ഞെടുപ്പ് പ്രചാരണത്തിനിടെ വിദ്വേഷ പ്രസംഗം നടത്തിയവര്‍ക്കെതിരെ എന്ത് നടപടിയെടുത്തെന്ന് തിരഞ്ഞെടുപ്പ് കമ്മീഷനോട് സുപ്രീംകോടതി . നിങ്ങളുടെ അധികാരത്തെ കുറിച്ച് ബോധ്യമുണ്ടോയെന്നും സുപ്രീംകോടതി കമ്മീഷനോട് ചോദിച്ചു .യു.പി മുഖ്യമന്ത്രി യോഗി ആദിത്യനാഥ് , മുന്‍ മുഖ്യമന്ത്രി മായാവതി തുടങ്ങിയവരുടെ പ്രസംഗത്തെ സംബന്ധിച്ചായിരുന്നു കോടതിയുടെ വിമര്‍ശനം .എന്നാല്‍ പെരുമാറ്റചട്ടം ലംഘിക്കുന്നവര്‍ക്കെതിരെ നോട്ടീസ് അയക്കാനും പരാതിപ്പെടാനും മാത്രമെ തങ്ങള്‍ക്ക് അധികാരമുള്ളുവെന്നും അവരെ അയോഗ്യരാക്കാന്‍ തങ്ങള്‍ക്ക് കഴിയില്ലെന്നും കമ്മീഷന്‍ അറിയിച്ചു .ഇതേ തുടര്‍ന്ന് കമ്മീഷന്‍ ഉദ്യോഗസ്ഥരോട് നാളെ ഹാജരാകാന്‍ കോടതി ആവശ്യപ്പെട്ടു . തിരഞ്ഞെടുപ്പ് കമ്മീഷന്റെ അധികാരങ്ങളെ സംബന്ധിച്ച കൂടുതല്‍ വിശദീകരണത്തിനാണ് ഉദ്യോഗസ്ഥരോട് ഹാജരാകാന്‍ ആവശ്യപ്പെട്ടിരിക്കുന്നത് .ഇതിനിടെ പ്രധാനമന്ത്രി നരേന്ദ്ര മോദിയുടെ ജീവിതം ആസ്പദമാക്കിയുള്ള പി.എം.മോദി എന്ന സിനിമ കണ്ടതിന് ശേഷം ചട്ടലംഘനം പരിശോധിക്കണമെന്ന് സുപ്രീംകോടതി കമ്മീഷനോട് ആവശ്യപ്പെട്ടു . കമ്മീഷനെ നാളെ സിനിമ കാണിക്കാമെന്ന് നിര്‍മ്മാതാക്കള്‍ പറഞ്ഞു .ഈ സിനിമയടക്കം രാഷ്ട്രീയ നേതാക്കളുടെ ജീവിതം പറയുന്ന എല്ലാ ചിത്രങ്ങളും തിരഞ്ഞെടുപ്പ് അവസാനിക്കുന്നത് വരെ റിലീസ് ചെയ്യുന്നത് കമ്മീഷന്‍ വിലക്കിയിരുന്നു . ഇതിനെതിരെ പി.എം.മോദി ചിത്രത്തിന്റെ അണിയറ പ്രവര്‍ത്തകര്‍ സുപ്രീംകോടതിയെ സമീപിക്കുകയായിരുന്നു .

%d bloggers like this: